კონფიდენციალურობა

მოვაჭრე და საკონტაქტო ინფორმაცია

მხარდაჭერის ჩათი

საიტზე მხარდაჭერის ჩათისთვის tawk.to-ს ვიყენებთ. სერვისი ამუშავებს მიმოწერას, შენ მიერ მიწოდებულ მონაცემებსა და ვიზიტის ტექნიკურ ინფორმაციას; საუბრის შესანარჩუნებლად იყენებს ბრაუზერის საცავს. Fredo-ს მხარდაჭერას შეტყობინებების ნახვა და პასუხი tawk.to-ს პანელიდან და მობილური აპიდან შეუძლია. შენი Fredo ანგარიშის სახელს, ელფოსტასა და გადახდის მონაცემებს ჩათს ავტომატურად არ ვაწვდით.

არასავალდებულო ანალიტიკა

შენი თანხმობით ვიყენებთ Google Analytics 4-ს ვიზიტებისა და საიტის გამოყენების გასაანალიზებლად. Google იღებს ანალიტიკურ მონაცემებს და შეიძლება შეინახოს ანალიტიკის ქუქი. Google-ის სარეკლამო პერსონალიზაცია გამორთულია. არჩევანის შეცვლა შეგიძლია საიტის ბოლოში, ქუქის პარამეტრებიდან.

რა მონაცემებს ვიყენებთ

მომსახურებისა და უსაფრთხოებისთვის მუშავდება ანგარიშის ელფოსტა, პაროლის ჰეში, სესიის ინფორმაცია, პეტის პროფილი, ფოტოები/ხმა, შექმნის დამტკიცებები, შეკვეთის, მიწოდებისა და ლიცენზიის ჩანაწერები. საკონტაქტო ფორმის წერილი გამოიყენება პასუხისთვის. რეგისტრაციისას ვინახავთ პირობების დადასტურების თარიღსა და ვერსიას. გთხოვ, არ ატვირთო მგრძნობიარე პირადი ინფორმაცია.

ვინ ამუშავებს მონაცემებს

საიტი იყენებს Sites-ის ჰოსტინგს და Cloudflare-ზე დაფუძნებულ ბაზასა და ფაილების საცავს. გენერატორი ამუშავებს მიწოდებულ მასალას და შესაბამის ფოტოებსა და აღწერას გადასცემს OpenAI-ის API-ს. გადახდას Flitt ამუშავებს თავის დაცულ გვერდზე. გადაეცემა შეკვეთის ნომერი, თანხა და ვალუტა; ჩვენ ვინახავთ სტატუსსა და ტრანზაქციის მითითებას. Fredo ბარათის სრულ ნომერსა და უსაფრთხოების კოდს არ აგროვებს და არ ინახავს. მომსახურების წერილებს აგზავნის Resend; საკონტაქტო წერილები და ადმინისტრატორის შეტყობინებები მიდის მითითებულ საფოსტო ყუთში. ამ სერვისების გამოყენება შესაძლოა გულისხმობდეს მონაცემების დამუშავებას საქართველოს გარეთ.

რა ჩანს საჯაროდ

საწყისი ფოტოები და ხმა ავტომატურად არ ქვეყნდება. მარკეტფლეისში ჩანს შექმნილი ნიმუში და შენ მიერ გამოსაქვეყნებლად არჩეული ინფორმაცია. წერილში ფრედოს სურათი იტვირთება fredo.ge-დან; წერილის გახსნისას საფოსტო პროგრამამ შეიძლება ეს სურათი მოითხოვოს.

Cookie და პარამეტრები

ავტორიზაციისთვის გამოიყენება აუცილებელი cookie. „დამიმახსოვრე“ არჩევით შესვლა 30 დღემდე ინახება; სხვა შემთხვევაში გამოიყენება ბრაუზერის სესიის cookie, სერვერზე მაქსიმუმ 12-საათიანი ვადით. ანგარიშიდან გასვლა ან პაროლის შეცვლა შესაბამის სესიებს აუქმებს. პაროლის შენახვასა და ავტომატურ შევსებას ბრაუზერი ან პაროლების მენეჯერი მართავს; საიტი პაროლს შენს მოწყობილობაზე არ ინახავს. ბრაუზერი იმახსოვრებს ენას, თემასა და ქუქის შეტყობინების დახურვას. პარამეტრის ქუქი არჩეულ ვალუტას ერთ წლამდე იმახსოვრებს. ჰოსტინგის ქსელიდან მიღებული ქვეყნის მიხედვით საქართველოში ლარს, სხვა ქვეყნებში დოლარს ვთავაზობთ; მოწყობილობის ზუსტ მდებარეობას არ ვითხოვთ. დოლარისა და ევროს ფასი საქართველოს ეროვნული ბანკის კურსს ეფუძნება. გადახდა შეკვეთის გაფორმებისას დადასტურებულ ვალუტაში ხდება; შემქმნელის ბალანსი ლარში აღირიცხება. დესკტოპის შეტყობინებების წყაროებზე წვდომა სურვილისამებრ ირთვება პეტის პარამეტრებში.

შენახვა და შენი მოთხოვნები

ინფორმაციას ვინახავთ ანგარიშის, მიწოდების, უსაფრთხოებისა და შესაბამისი აღრიცხვისთვის საჭირო პერიოდში. მონაცემებზე წვდომის, ასლის, შესწორებისა და წაშლის მოთხოვნა შეგიძლია გამოგვიგზავნო. შესყიდვის/უსაფრთხოების ზოგ ჩანაწერსა და დაცულ აღდგენის ასლებს შეიძლება ცალკე შენახვის ვადა დასჭირდეს; მოთხოვნის განხილვისას შესაბამის შეზღუდვას აგიხსნით.

კონტაქტი

კონფიდენციალურობის საკითხებზე JØMΛ / Fredo-ს გუნდს დაუკავშირდი საიტის ჩათით ან საკონტაქტო ფორმით.

ჩამოტვირთვის ბმულები და რეკლამის გაზომვა

თუ ჩამოტვირთვის ბმულს მოითხოვ, მითითებულ ელფოსტაზე Resend-ის მეშვეობით ერთ მომსახურების წერილს გამოგიგზავნით. ანგარიში არ იქმნება და სარეკლამო წერილებზე არ გამოიწერები. ბოროტად გამოყენების თავიდან ასაცილებლად მოთხოვნების ლიმიტებში ჰეშირებულ მნიშვნელობებს ვიყენებთ. ანალიტიკის თანხმობის შემთხვევაში ვზომავთ საჯარო კამპანიის ნიშნულებს, ჩამოტვირთვის ღილაკზე დაჭერებს, კალათაში დამატებას, ბმულის მოთხოვნას და გადახდის სერვისის მიერ დადასტურებულ შენაძენებს, შეკვეთის ნომრის, თანხის, ვალუტისა და პროდუქტის კოდების ჩათვლით. ჩამოტვირთვის ღილაკზე დაჭერა ინსტალაციას არ ადასტურებს. ამ მოვლენებში არ იგზავნება ელფოსტა, ბარათის მონაცემები, პეტის ფოტოები და ანგარიშის პირადი პარამეტრები. კამპანიის წყარო და შეძენის დუბლირებისგან დაცვა ბრაუზერის სესიის საცავს იყენებს და ანალიტიკის თანხმობის გაუქმებისას იშლება. Google-ის რეკლამის პერსონალიზაცია გამორთული რჩება.

სიახლეების გამოწერა და ფასდაკლების კოდი

Fredo-ს სიახლეებსა და შეთავაზებებს მხოლოდ გამოწერის ცალკე თანხმობის მონიშვნისა და ელფოსტის დადასტურების შემდეგ გამოიწერ. ვინახავთ ელფოსტას, ენას, თანხმობის ვერსიასა და დადასტურების დროს, გამოწერის სტატუსს და პირადი კოდის ისტორიას. დასადასტურებელი წერილი Resend-ით იგზავნება. შეთავაზების ყოველ წერილს გამოწერის გაუქმების ბმული ექნება. გაუქმება სარეკლამო წერილებს წყვეტს, ანგარიშისა და შეძენის მომსახურების წერილებს — არა. გაცემული კოდი თავდაპირველ ვადას ინარჩუნებს; ხელახლა გამოწერა ვადას არ ახანგრძლივებს. კოდის გამოყენების ჩანაწერებს ერთჯერადი, პირველი შეძენის შეთავაზების დასაცავად ვინახავთ. დახურვის შემდეგ ბრაუზერი ფანჯარას 7 დღით მალავს; დადასტურებაც შენს არჩევანს იმახსოვრებს. ელფოსტა და კოდი ანალიტიკისა და რეკლამის ხელსაწყოებს არ ეგზავნება.

Meta-ს რეკლამის არასავალდებულო გაზომვა

მხოლოდ რეკლამაზე შენი ცალკე თანხმობით Meta Pixel Facebook-ისა და Instagram-ის რეკლამის შედეგების გაზომვასა და გაუმჯობესებაში გვეხმარება და შეიძლება პერსონალიზებული რეკლამისთვის გამოიყენებოდეს. Meta იღებს გვერდისა და პროდუქტის ნახვის, ჩამოტვირთვის ღილაკზე დაჭერის, ბმულის მოთხოვნის, კალათაში დამატებისა და გადახდის სერვისის მიერ დადასტურებული შენაძენის მოვლენებს. ჩამოტვირთვის დაჭერა ინსტალაციას არ ნიშნავს. მოვლენები შეიძლება მოიცავდეს პროდუქტის კოდებს, თანხას, ვალუტას, შეკვეთის მითითებას, გვერდის ბმულს, რეკლამის დაწკაპების კოდს, IP მისამართსა და ბრაუზერის/მოწყობილობის ინფორმაციას. Meta-მ შესაძლოა ეს აქტივობა თავის ანგარიშებს დაუკავშიროს და მონაცემები საქართველოს გარეთ დაამუშაოს. Pixel-ს არ ვუგზავნით ფორმების შიგთავსს, ელფოსტას, ბარათის მონაცემებს, ატვირთულ ფოტოებსა და ხმას. ავტომატური გაფართოებული იდენტიფიკაცია და მოქმედებების ავტომატური ამოცნობა გამორთულია.

შენი არჩევანი ამ ბრაუზერში Google Analytics-ისგან დამოუკიდებლად ინახება. Meta-მ შეიძლება შეინახოს _fbp და _fbc ქუქი (ჩვეულებრივ, 90 დღემდე); გვერდის განახლებისას შენაძენის განმეორებით ჩათვლის ასარიდებლად 90 დღემდე ვინახავთ მაქსიმუმ 100 გაზომილი შეკვეთის მითითებას. ორივე არასავალდებულო კატეგორიაზე უარის თქმა ან არჩევანის შეცვლა შეგიძლია საიტის ბოლოში, ქუქის პარამეტრებიდან. რეკლამის თანხმობის გაუქმება აჩერებს Pixel-ის შემდგომ მოვლენებს და ამ ბრაუზერიდან შლის ჩვენს Meta ქუქისა და გაზომილი შენაძენების ჩანაწერს. Meta-სთვის უკვე გადაცემულ ინფორმაციას ეს არ შლის.

Google-ის მომხმარებელთა ნებაყოფლობითი შეფასებები

ციფრული პეტის დადასტურებული შესყიდვის შემდეგ გთავაზობთ Google Customer Reviews-ის ნებაყოფლობით მოწვევას. მხოლოდ მისი გახსნისას ვტვირთავთ Google-ის სერვისს და ვაწვდით შეკვეთის ნომერს, ანგარიშის ელფოსტას, დადასტურებულ ქვეყანასა და ციფრული მიწოდების თარიღს. Google-მა შეიძლება დაამუშაოს ბრაუზერის ტექნიკური ინფორმაცია და გამოიყენოს თავისი ქუქი. Google-ის მოწვევაში შეგიძლია მიიღო ან უარყო შეფასების წერილი; მონაწილეობა არ მოქმედებს შესყიდვაზე, ლიცენზიაზე ან Fredo-ს სიახლეების გამოწერაზე. კითხვარსა და წერილს Google მართავს. არ ვაწვდით ბარათის მონაცემებს, პეტის ფოტოებს ან პაროლს.