ნოუთები, შეხსენებები და სინქრონიზაცია
ფერადი ჩანაწერები, გადადება, ცალკე ფანჯრები და შენი ანგარიში — აპში და ვებზე.
1. განაახლე პეტი
Windows პეტის მენიუში ნოუთები და შეხსენებებია. თუ ძველ აპს ავტომატური განახლება არ აქვს ან გამორთულია, ანგარიშიდან მიმდინარე საინსტალაციო ჩამოტვირთე. პარამეტრები შენარჩუნდება.
2. შექმენი ნოუთი
დააჭირე დამატებას. ახალი ნოუთის ფერი ავტომატურად იცვლება; რედაქტორში შეცვალე ფერი და ტექსტის ფორმატი. შეინახე, მოძებნე ან Pop out-ით ცალკე ფანჯარაში გახსენი. სიის დახურვის შემდეგაც ფანჯარა დარჩება, სანამ თვითონ არ დახურავ. Pop in სიაში აბრუნებს. ვებში ნოუთი ხელით გადაათრიე — მეზობელი ჩანაწერები მოძრაობის დროსვე იცვლის ადგილს. კომპაქტური ხედი ერთსტრიქონიანი სიაა. გადასალაგებლად კლავიატურის ისრებიც გამოიყენე. ეს შეხსენებებზეც მუშაობს.
3. დაგეგმე შეხსენება
აირჩიე სწრაფი ინტერვალი ან თვე, დღე, წელი, საათი და წუთი. ველის დაჭერით იხსნება მისი სქროლი. გაშვებული პეტი დროს შეგახსენებს ბაბლითა და ხმით. ბაბლში გადადება 5 წუთითაა. ვებში აირჩიე 5, 15 ან 30 წუთი, 1 ან 3 საათი, ან კონკრეტული თარიღი და დრო. დასრულებული მწვანეა, გადადებული ყვითელი, დაგვიანებული წითელი. ხმა პარამეტრებიდან გამორთე.
4. სინქრონიზაცია აქტივაციით
აქტივირებული პეტი ავტომატურად უკავშირდება თავის ანგარიშს და სინქრონიზაციას იწყებს. ცალკე დაკავშირება ან დამატებითი გასაღები ჩვეულებრივ რეჟიმში არ გჭირდება. იგივე ანგარიშით შედი fredo.ge/notes-ზე ან გაააქტიურე პეტი სხვა მოწყობილობაზე. უფასო Fredo აქტივაციას არ ითხოვს, ამიტომ სინქრონიზაციისთვის ანგარიშში ერთხელ შესვლა სჭირდება. ლოკალური ჩანაწერები ანგარიშის გარეშეც მუშაობს.
5. სურვილისამებრ პირადი გასაღები
ჩვეულებრივ რეჟიმში შინაარსი დაშიფრულია, ანგარიშს კი გასაღების დაცული ასლი აქვს; სერვერს ტექნიკურად შეუძლია გაშიფვრა. „შენახვის დაცვაში“ შეგიძლია ჩართო პირადი გასაღების რეჟიმი და გამორთო ანგარიშით აღდგენა. ჩართვამდე შეინახე გასაღები უსაფრთხოდ — მისი დაკარგვისას შინაარსს ვეღარ აღადგენ. ამ რეჟიმში ახალ მოწყობილობაზე გასაღები ერთხელ უნდა შეიყვანო. ძველი პირადი საცავები უცვლელად რჩება; გასაღებით გახსნის შემდეგ შეგიძლია სურვილისამებრ ჩართო ანგარიშით აღდგენა. აპში გასაღების ველი კავშირის ფანჯარაშია. ვებიდან რეჟიმის შეცვლისას აპი მას ავტომატურად გადაამოწმებს; დაუყოვნებლივ გადასამოწმებლად დააჭირე „სინქრონიზაციის ხელახლა ცდას“. ანგარიშის რეჟიმში შექმნილ ისტორიულ ასლებს შეიძლება აღდგენის შესაძლებლობა შეუნარჩუნდეს.
6. კავშირი და შეხსენების მიწოდება
ოფლაინ ცვლილებები კავშირის აღდგენისას დასინქრონდება; ერთდროული რედაქტირებისას ორივე ვერსია შენარჩუნდება. შეხსენებისთვის Windows პეტი გაშვებული უნდა იყოს: გამორთული კომპიუტერი ან დახურული ბრაუზერი შეტყობინებას ვერ მოგაწვდის.